细路哥 Ⅱ歌词

歌名:细路哥 Ⅱ
歌手:林海峰
专辑:三字头
作曲:陈奂仁 填词:林海峰
某一年一班刚刚考完会考嘅同学
约埋一齐唱K
流行曲唱到一半嘅时候
其中一位朋友问咗隔离嗰位一个问题
喂 你估吓二十年後嘅今日
我地会变成一个咩人呢
二十年後
可能已经变成一个西装骨骨嘅中环人
手带劳力士 银包有好多张信用卡
放工嘅时候就一齐响酒吧度
一边望住个烟灰盅
一边就望住隔离台嗰个女仔
睇吓佢条裙几时会走光
二十年後
大概终於会买咗个部好想拥有既汽车
但系仲有二十几期要供
二十年嘞 应该转过好多份工
识做嘅野越嚟越多
但系同时发觉学识越嚟越少
响嗰个时间 间唔中可能会去吓gym
但系做嚟做去都系减唔到个肚腩
当然二十年嚟你间唔中都会谂起一段
一路都未能放低嘅感情
女朋友越嚟越多 但系爱嘅越嚟越少
细路哥 你得到什麽 你失去什麽
你知道 what are u looking for
大概响嗰个时候可能会有身边嘅亲人离开
而响个阵时你会有好多讲唔出口嘅遗憾
同时间你会发觉原来人生已经过咗一大半
同年终於结婚嘞
用左半生嘅积蓄俾左一层楼嘅首期
有车位有泳池会所
娱乐越嚟越多但系快乐越嚟越少
两年後 可能会离婚
回复单身之後嘅一个晚上一个人响床上面
揸住个摇控不停咁转台 食咗两粒安眠药
跟住点起支薄荷烟
然後流咗一滴自亲人离世之後嘅眼泪
突然之间你又谂起 响二十年前
你系一个咩人 系个一晚
一大班同学约埋出嚟唱K唱到天光
仲记得系个朝返到屋企嘅时候
打开门响台面见到有一碗屋企人留低嘅汤
碗汤已经冻咗嘞
细路哥 你得到什麽 你失去什麽
你知道 what are u looking fo编辑于2005/09/09更新