布谷鸟赞歌歌词

仲白 - 布谷鸟赞歌
作词：贡唐仓.丹贝旺旭
作曲：贡唐仓.丹贝旺旭
音乐宣传：谢旦贴吧工作室
༡ནགས་ཚལ་སྟུག་པོའི་ཁྲོད་ན།།སྨན་ཆུང་ཁུ་བྱུག་སྔོན་མོ།།
གསུང་སྙན་རེ་རེ་སྒྲོག་དུས།།སེམས་ལ་སྨྲེང་བ་སྐྱེས་སོང་།།
༢འདབ་ཆགས་བྱ་ཡི་ལུས་ལ།།ལྷ་ཡི་གསུང་སྙན་ལྡན་ཁྱོད།།
ལྷོ་མོན་ཕྱོགས་ནས་ཡོང་བའི།།ལུས་ལ་ཉེས་པ་མེད་དམ།།
༣སྒྲོ་ལྡན་རྨ་བྱ་གཞོན་ནུ།།བྱ་བརྒྱའི་མཛེས་མ་ལེགས་ཀྱང་།།
མགོ་ནག་བོད་འདི་དགའ་ས།།ཁུ་བྱུག་སྔོན་མོ་ཁྱོད་ཡིན།།
༤ཁྱོད་ཀྱིས་གསུང་སྙན་སྒྲོག་དུས།།གནམ་ཟླ་དབྱར་གྱི་མགོ་ཚུགས།།
གནམ་ལ་ཆར་ཆུ་མང་བས།།ས་ལ་རྩི་བཅུད་རྒྱས་སོང་།།
༥སྐྱིད་པའི་སྤང་ལྗོངས་སྟེང་ནས།།དགའ་བའི་དགའ་བྲོ་འཁྲབ་སོང་།།
སྐྱེ་བ་ཡང་ཡང་རྩེ་བའི།།སྨོན་ལམ་ནན་ཏན་འདེབས་སོང་།།
སྐྱེ་བ་ཡང་ཡང་རྩེ་བའི།།སྨོན་ལམ་ནན་ཏན་འདེབས་སོང་།།编辑于2023/11/30更新