思念上师歌词

作词 : 阿旺扎西
作曲 : 努吾仁青
བླ་མ་དྲན་གླུ།
ཚིག ངག་དབང་བཀྲ་ཤིས །
དབྱངས། ནོར་བུ་རིན་ཆེན།
ལེན་མཁན། ནོར་བུ་རིན་ཆེན།
དྲིན་ཆེན་རྩ་བའི་བླ་མ།།
ཞིང་ཁམས་གཞན་ལ་ཕེབས་སོང་།།
གསོལ་འདེབས་དབྱངས་སུ་གྱེར་ནས།།
ཡིད་ཀྱིས་སྨོན་ལམ་བཏབ་ཡོད།།
ཁྲི་གདུགས་ཉི་མ་ཤར་དུས།།
སེར་པོ་གསེར་ཁྲིའི་སྟེང་གི།
བླ་མའི་ཞལ་རས་དྲན་ནས།།
མིག་ཆུ་ལན་གསུམ་ཤོར་སོང་།།
བླ་མ་ལགས།རིན་པོ་ཆེ།
བླ་མ་ལགས།ང་ཡི་རྩ་བའི་བླ་མ།
ཁྱེད་རང་གང་ལ་ཕེབས་སོང་།
ཁུ་བྱུག་གསུང་སྙན་གྲག་དུས།།
བླ་མའི་གསུང་གི་བདུད་རྩི།།
ཡིད་ལ་ཝ་ལེར་ཤར་ནས།།
གདུང་བ་སེམས་ལ་འཁོར་སོང་།།
བདག་ཅག་བུ་སློབ་རྣམས་ལ།།
ཐུགས་རྗེའི་སྤྱན་གྱིས་གཟིགས་ནས།།
ཡང་སྤྲུལ་ཉི་མ་གཞོན་ནུ།།
མཇལ་བའི་སྐལ་བ་གནང་རོགས། །
བླ་མ་ལགས།རིན་པོ་ཆེ།
བླ་མ་ལགས།ང་ཡི་རྩ་བའི་བླ་མ།
མྱུར་དུ་འཇལ་བའི་སྨོན་ལམ།
བླ་མ་ལགས།རིན་པོ་ཆེ།
བླ་མ་ལགས།ང་ཡི་རྩ་བའི་བླ་མ།
མྱུར་དུ་འཇལ་བའི་སྨོན་ལམ།编辑于2023/09/04更新